දන්තාලේප මඟින් කල හැකි වෙනත් දේවල්

1. මේස මත තබා ඇති පැණිරස ආහාර වලට කුහුඹුවන්ගෙන් සිදුවන හාණි තාවකාලිකව වැලැක් වීමට එම මේසයේ කකුල් වටා බිම දන්තා ලේප වලින් සීමාව සලකුණූ කරන්න. දන්තාලේපයේ සැර ගතිය පවතින තුරු කුහුඹුවන් මේසයට නැගීමෙන් වළකියි.

2. CD DVD තැටිවල ඇති සීරීම් පාරවල් ඉවත් කිරීමට දන්තාලේප තවරා පිරිසිඳු මෘදු රෙදි කඩකින් එක් අතකට පමනක් අතුල්ලා සෝදා හරින්න. ජල බින්දු සියල්ල වේලෙන තුරු භාවිතා නොකරන්න.

3. පිළිස්සුමකට ලක්වූ විට හැකි ඉක්මනින් එම ස්ථානයේ දන්තාලේප ආලේප කිරීමෙන් සහනයක් ලැබිය හැක.

4. අත් වල ඇති දුගඳ නැති කිරීමට දන්තාලේප අතුල්ලා සෝදාගන්න. ළූණු වල සැර ගතිය පිළී ගඳවල් ආදිය ඉවත් කිරීමට මෙය සාර්ථක ක්‍රමයකි.

5. මීමැස්සන් ආදී කුඩා කෘමිසතුන් ගේ සපා කෑම් ආදියෙන් සිදුවන වේදනාවට තාවකාලිකව සහනයක් ලබාගැනීමට සපා කෑ ස්ථානයේ දන්තාලේප තවරන්න.

6. මුහු‍ණ මත කුරුළෑ ඇතිවීගෙන එන විට නින්දට කලින් එය මත දන්තාලේප ආලේප කර පසුදා උදෑසන සෝදා හැරීමෙන් සහනයක් ලද හැකියි.

7. නිය පිරිසිඳු කිරීමට වතුරින් තෙමාගත් නිය මත දන්තාලේප තවරා බුරුසුවකින් මදින්න. කුණු ඉවත්වී නියපොතු දීප්තිමත් වෙයි.

8. අත් ‍ඔරලෝසුවේ වීදුරුව පිරිසිඳුකිරීමටත් සීරීම් සලකුණු ආදිය ඉවත් කිරීමටත් ටිෂූ කඩදාසියක තැවරූ දන්තාලේප භාවිතා කල හැකියි.

9. මේස මත ටී‍පෝ මත ඇති කෝප්ප, බීම වීදුරු ආදිය තැබීමෙන් ඇතිවන වතුර පැල්ලම් ඉවත් කිරීමට දන්තාලේප තැවරූ තෙත රෙදි කැබැල්ලකින් පිසදමන්න.

10. බිත්තියට හාණි නොකර එය මත පෝස්ටර් පින්තූර ආදිය රැඳවීමට පොස්ටරයේ යටිපැත්තේ කොන් හතරේ දන්තාලේප ආලේප කර බිත්තිය මත අලවා ගන්න. (බිත්තියෙ ලිත ඇලවීමට කලින් යොදා ගත්ත බත් ඇට, මැලියම් දැන් දන්තාලේප )

11. බිත්ති මත හෝ ගෙබිම මත ඇති පාට පැන්සල් පැස්ටල් සලකුණු ඉවත් කිරීමට දන්තාලේප ආලේප කර තෙත රෙදි කැබැල්ලකින් පිස දමන්න.

12. රෙදිවල තැවරුණු තොල් ආලේපන (Lipstick) පැල්ලම් තීන්ත පැල්ලම් ඉවත් කිරීමට එම පැල්ලම මත දන්තාලේප තවරා අතුල්ලා සෝදා හරින්න.

13. දියමන්ති මුදු රිදී ආභරණ පිරිසිඳු කිරීමට වතුරින් තෙමා පැරණි දත් බුරුසුවකට දන්තා ලේප තවරා ඉතා සීරුවෙන් දූවිලි අපද්‍රව්‍ය ඉවත් වන පරිදි මදින්න. ඉන්පසුව දන්තාලේප සෝදා ඉවත් කරන්න.

14. බුමුතුරුණු (Carpet) මත ඇති පැල්ලම් ඉවත් කිරීමට දන්තාලේප එම පැල්ලම් මත ආලේප කොට බුරුසුවකින් අතුල්ලා සෝදා වේලෙන්නට තබන්න.

15. සපත්තු ලෙදර් බෑග් ආදිය පිරිසිඳු කිරීමට දන්තා ලේප තැවරූ බුරුසුවක් භාවිතා කරන්න. බෑග් මත ඇති පැල්ලම් ඉවත් කිරීමට සපත්තු වල ඇති සීරීම් සලකුණූ ඉවත් කිරීමට මෙම ක්‍ර‍මය ඉතා පහසුවෙන් හාවිතයට ගත හැකියි.

16. බිත්ති මත ඇණ ගැසීම ආදියෙන් ඇතිවන කුඩා සිදුරු වැසීමටත් දන්තාලේප යොදා ගත හැකියි. එහෙත් ඒය තාවකාලික පිළියමක් පමණි.

17. නාන කාමරයේ ඇති කරාම, මුහුණ බලන කණ්නාඩිය, වතුර මල (shower) ආදී දිලිසෙන මතුපිටවල් ඇති කොටස් පිරිසිඳු කිරීමටත් දන්තාලේප භාවිත කළ හැකියි.

18. වාහ‍නයේ ඇති ප්‍රධාන ලාම්පුවල බැදුන දූවිලි මීදුම් පටල සීරීම් සලකුණූ ආදිය ඉවත් කිරීමට භාජනයක දියකරගත් දන්තාලේප ස්පොන්ජ් කැබැල්ලකින් ගෙන පිසදමන්න.

19. කුඩා සෙල්ලම් බඩු, කාර්වල ගුවන් යානවල කුඩා ආකෘති ආදිය පිරිසිඳු කිරීමට දන්තාලේප තැවරූ බුරුසු වක් භාවිතා කල හැකි වෙයි.

20. පිහිනීමට භාවිත කරන පිහිණුම් කණ්නාඩි (swimming goggles) වල බැඳි ඇති දූවිලි මීදුම් පටලයන් ඉවත් කිරීමට දන්තාලේප සහිත රෙදි කැබැල්ලක් යොදාගන්න

21. පි‍යානෝවේ, ඔර්ගනයේ යතුරු (keytops) පිරිසිඳු කිරීමට මෘදු රෙදි කැබැල්ලක තැවරූ දන්තාලේප යොදාගන්න.

22. වීදුරු භාන්ඩ වල දීප්තිමත් බව ඇති කිරීමට දන්තාලේප යෙදූ මෘදු රෙදි කැබැල්ලකින් පිසදා සොදා හරින්න දිදුලන දීප්තියක් ඒවාට ලැබෙයි.

23. කුඩා දරුවන්ගේ සූප්පු, බෝතල් ආදියෙන් එන දුගඳ නැතිකර පිරිසිඳු කිරිමට දන්තාලේප මිශ්‍ර කල වතුරෙන් සෝදන්න.

24. රෙදි මදිනයේ (iron) පහළ මදින කොටසේ ඇති පිළිස්සුනු පැල්ලම් කහට පැල්ලම් ඉවත් කර පිරිසිඳු කිරීමට. දන්තාලේප ‍තැවරූ ‍රළු රෙදි කඩකින් තදින් අතුල්ලා තෙත රෙදි කැබැල්ලකින් පිසදමා වේලෙන්නට ඉඩහරින්න.

කොකාකෝලා පෙප්සි

කොකාකෝලා , පෙප්සි මඟින් කළ හැකි දේවල්

1. වාහන වල වින්ඩ්ස්ක්‍රීන් එකේ බැඳී ඇති දූවිලි පැල්ලම් ආදිය ඉවත් කිරීමට කොකාකෝලා හෝ පෙප්සි වැනි බීම වර්ගයකින් පොඟවාගත් රෙදි කැබැල්ලකින් පිස දමන්න. වීදුරු පිරිසිඳු කරන දියර වර්ග අවශ්‍ය නොවේ. වාහන වල විතරක් නෙමෙයි ගෙදර ජනෙල් වීදුරු පිස දැමීමටත් මෙම බීම වර්ග වලින් තෙමාගත් කඩදාසි කැබැල්ලක් යෙදා ගත හැකියි.

2. ඇළුමිනියම් හෝ ක්‍රෝමියම් වලින් තැනූ කාර් Bumpers වල ඇති මලකඩ පැල්ලම් ඉවත් කිරීමට කොකාකෝලා/ පෙප්සි පොඟවාගත් ඇලුමිනියම් කඩදාසියක් මඟින් පිසදමන්න.

3. කාර් බැටරි වල ධන සෘණ අග්‍රයන්(Terminals) වල බැදී ඇති මලකඩ, ඔක්සයිඩ ඉවත් කිරීමට විඛාදයනය නැති කිරීමට කොකාකෝලා/ පෙප්සි සොලවා එම අග්‍ර මතට වත්කරන්න. පෙන දමමින් ඒවා ඉවත්වෙයි.

4. පිත්තල බඳුන්වල ඇති කොළ පැහැති පැල්ලම්, මලකඩ ආදිය ඉවත් කිරීමට කොකාකෝලා පෙප්සි වලින් පොඟවාගත් රෙදි කැබැල්ලකින් පිස දමන්න.

5. මල බැඳුනු යකඩ ඇණයක් බුරුල් කර ගැනීමට කොකාකෝලා/ පෙප්සි වලින් පොඟවාගත් රෙදි කැබැල්ලක් එම ඇණය වටා විනාඩි කිහිපයක් ඔතා තබන්න.

6. ඇඳුම් වල ගෑවුන ග්‍රීස් පැල්ලම් ඉවත් කිරීමට එම ඇඳුම් භාජනයකට දමා එම ග්‍රීස් ගෑවුන කොටස් හොඳින් පෙ‍‍‍‍‍ඟෙන පරිදි දමාගත් කොකාකෝලා හෝ පෙප්සි සමඟ රෙදි සෝදන කුඩු දමා වෙනදා සෝදන අයුරින්ම සෝදන්න.

7. ඔබේ වැසිකිලිය පිරිසිඳු කිරීමටත් මෙම බීම වර්ග භාවිතා කළ හැකියි. සින්ක් එකේ හෝ කොමඩ් එකේ ඇති කහට පැල්ලම් ඉවත් කිරීමට කොකාකෝලා/ පෙප්සි වත්කර පැයක් පමණ තබා අතුල්ලා වේගවත් ජල පහරක් මඟින් ‍සෝදා හරින්න.


මෙහිදී පොදුවෙ සිසිල් බීම සියල්ලම ක්‍රියාත්මක වෙන්නෙ එකම ක්‍රමයකට ඒත් වැඩි බලපෑමක් තියෙන්නෙ කොකා කෝලා පෙප්සි වල නිසයි, ඉහත ඒව ගැන වැඩිපුර කියල තියෙන්නෙ. කොකාකෝලා, පෙප්සි වල PH අගය 3.4 විතර වෙන‍ව මේ ආම්ලික ගතිය ශරී‍රයේ ඇති දත් සහ අස්ථි දිය කිරීමට ප්‍රමාණවත්. වයස අවුරුදු 30 පමණ පසුව අපේ ශරීයෙ අස්ථි වර්ධනය නතර වෙනව.සෑම අවුරුද්දකම යම් ප්‍රමාණයක් අපේ අස්ථි දියවෙනව ඒව මුත්‍ර සමඟ ශරී‍රයෙන් පිටවෙලා යනව. බීම වර්ග හින්ද විතරක් නෙමෙයි අධික ආමිලික ආහාර නිසාත් මේ දේ වෙන්න පුළුවන්. මෙ‍හිදී බොහෝ වෙලාවට ශරී‍රයේ තියන කැල්සියම් සංඝටක දියවෙලා ධමනි ශිරා පටක ආදියෙත්, නොයෙකුත් ඉන්ද්‍රියන් ‍වලත් තැන්පත් වෙන්න තියන ඉඩකඩ වැඩියි. අක්මාව වගේ ඉන්ද්‍රියක මේව තැන්පත් වුනොත් අක්මාවේ ගල් ඇති වෙන්න පුළුවන්, මුත්‍රාශයේ තැන්පත් වුනොත් මුත්‍රාශ ගල් ඇති වෙනව. ඇත්තටම සිසිල් බීම වල පෝෂණීය වටිනාකමක් නැහැ විටමින් ඛනිජ ද්‍රව්‍ය කිසිවක් නැහැ ඉහල සාන්ද්‍රනයෙන් යුත් සීනි ද්‍රාවණයක් සමඟ ඇති රසකාරක හා වර්ණක සමඟ ඉහල ආම්ලිකතාවයක් පමණයි තියෙන්නෙ. ඉතින් සෑම ආහාර වේලක් සමඟ මේවා පානය කරන්න පුරුදු වෙලා ඉන්න කෙනෙකුට මොකද වෙන්නෙ කියල අමුතුවෙන් කියල දෙන්න ඕනෙ නෑනෙ. තවත් අපුරු දේවල් දැක බලා ගන්න පහත සබැඳුම් වලට යන්න

http://video.google.com/videoplay?docid=-1450915772177922792

http://www.youtube.com/watch?v=Ox2Mm28LxoQ

http://www.youtube.com/watch?v=lFf-kW1E0Tc

http://www.youtube.com/watch?v=hKoB0MHVBvM

http://www.youtube.com/watch?v=YNgl6z5Z7k4

http://www.youtube.com/watch?v=up1DoY8Cfwg

නව ආරක විදුලි පේනුවක්

සවිකර ඇති විදුලි පේනුවක් (Plug) ගලවන එක දතක් ගලවනව වගේ අමාරැ දෙයක් නෙමෙයි සරල දෙයක් ඒත් හැම වෙලේම ඒක සරල නැහැ. සමහර ඒව විසන්ධි කරන්න ගියහම දත්මිටි කාගෙන ඕනෙ පේනුව ඉවත් කරගන්න. ඕනෙවට වැඩිය මහන්සිවෙලා කලබලේට ගලවන්න ගියහම පේනුවෙ කූරැ ටික කෙවෙනියෙ (Socket) ඇතුලෙ හිටින අවස්ථාත් එනව. ඉතින් ඒකට සරල විසඳුමක් හොයාගෙන තියනව බලන්න කොච්චර සරල අදහසක්ද කියල.

පේනුව මැද්දෙ සිදුරක් හදල තියනව ඉතින් වැඩිය මහන්සියක් වෙන්න ඕනෙ නැහැ විසන්ධි කරන්න. ඇඟිල්ල දැම්ම ඇද්ද.

මේව හදන සම්මත ක්‍රම තියනව. අපේ රටේ මේව හදන උදවිය ඉදිරියට මේ ක්‍රමේට පේනු හදයි සමහරවිට. එතකල් ඉවසල ඉන්නකො. ලංකාවේ ගොඩක් වෙලාවට තියන විදුලි කෙවෙනි (Plug Socket ) එච්චර හොඳ ඒව නෙමෙයි. සමහර ඒව ගලවන්න බැරි තරම් තදයි නැත්නම් නිකන් ගැ‍ලවෙන තරම් බුරුල්. ඇතුලෙ තියන තඹ පතුරැ, ටික දවසක් පාවිච්චි කරන කොට ඈත් වෙනව ඊට පස්සෙ විදුලි බලය වයර් එක දිගේ එන්නෙ නැහැ ඉතින් ඒහාට මෙහාට කරල ඕනෙ ප්ලග් එක හරියට වැඩ කරවගන්න. නැත්නම් කාට හරි සිද්ධවෙනව වැඩේ ඉවර වෙනකල් කෙවෙනිය ළඟට වෙලා වයර් එක අල්ලගෙන ඉන්න. ලංකාවෙ නිවෙස්‍වල තියෙන්නෙ බොහෝ වෙලාවට රවුම් හැඩයෙ විදුලි පේනු. මට ‍හිතෙන්නෙ හතරස් හැ‍ඩේ ඒව පාවිච්චි කරනවනම් එච්චර මේ ප්‍රශ්න බලපාන්නෙ නැහැ කියල. මොකද ඒව ‍එහාට මෙහාට හෙලවෙන්නෙ නැති හින්ද හොඳට සවිවෙලා හිටිනව.

උයන්න පිහන්න ලැප් ටොප්

උයන පිහන කොට අල ළූනු වගේ එළවළු ජාති වගේම පළතුරැ වගේ ඒවත් හිටගෙන සුද්ද කරන්න ගියහම සමහර වෙලාවට ටිකක් අමාරැයිනෙ. එදිනෙදා උයන කොටනම් මේක එච්චර දෙයක් නෙමෙයි වෙන්න පුළුවන්. ඒත් හිතන්න ‍ මඟුල් ගෙයකට හරි දානෙ ගෙයකට හරි උයන්න දේවල් ලැහැස්ති කරන්න සිදු වුනා කියල. අල කිලෝ ගනන් ළූණු කිලෝ ගනන් හිටගෙන සුද්ද කරන්න ගියහම ඉතින් ටිකක් විතර එපා වෙන සංසිද්ධියක්නෙ අනික ගොඩක් වෙලාවට සුද්ධ කරන්න මේසයක් වගේ දෙයක් හොයාගන්න ගියහමත් ටිකක් අමාරැ අවස්ථා තියනව මොකද විශාල උත්සවයක් වගේ වෙලාවට ගෙවල්වල මේස වල, තියන බඩු ඔක්කොම පුරවගෙන නෙ ඉන්නෙ. දැන් ඉදිරියට ඒ ගැන බය වෙන්න දෙයක් නැහැ මෙන්න ඒකට අළුත් නිර්මාණයක් බිහි වෙලා.

මේකෙ තියන විශේෂත්වය තමයි කපල සුද්ද කරල ඉවත දාන පොතු වගේ ඒව වෙන් කරල තියා ගන්න එක් පැත්තකුත්, කපල සුද්ද කරපුව දාන්න තවත් පැත්තකුත් වෙන් කරල තියනව. ඒ විතරක් නෙමෙයි කපන්න තියන ඒව තියාගන්න වෙනම බේසමක් වගේ එකකුත් මැද තියනව. ඊට අමතරව කපන, සුද්ද කරන වැඩ කරන්න වෙනම කොටසක් තියනව. ඉතින් වැඩේ අනාගන්නෙ නැතුව පිළිවෙලකට කරගෙන යන්න පුළුවන්.


සැලකිල්ලෙන් බැලුවොත් පෙනේවි මේක පාවිච්චි කරන කෙනාගෙ ඇ‍‍‍‍‍‍‍‍‍ඟේ හැඩයට අනුකූල වන ආකාරයටම මේක සැලසුම් කරල තියන බව. ඒ කියන්නෙ ඉන වටේට පිහිටන විදිහට රවුම් කරල තියනව කකුල් දෙක උඩ පහසුවෙන් තියා ගන්න පුළුවන් වෙන විදිහට කකුලෙ හැඩේට සුමට කරල තියනව. ඒ විතරක් නෙමෙයි වැ‍ඩේට ගන්න ජාති ටික බිම නො‍වැටි තියාගන්න පුළුවන් වෙන්න වටේට දාරයක් තියනව.





ලංකාවෙනම් මේක ගන්න තියනවද දන්නෙ නම් නැහැ ඒත් අපේ රටේ ‍ මේක හදා ගන්න පුළුවන් ෆයිබර් ග්ලාස් වලින්. ඒවගේ වැඩ කරන අයට මෙන්න අදහසක්. හැදුවොත් සෑහෙන ඉල්ලුමක් තියේවි. අනික අපේ තාලෙට හදා ගන්න පුළුවන්නෙ තව හොඳට ඔප මට්ටම් කරල. කවුරැහරි මේක හැදුවොත් මටත් දන්වන්න අමතක කරන්න එපා

නිර්මාණාත්මක චින්තනයට උපදෙස්

1. සාම්ප්‍රදායික ස්ථාපිත අදහස් ක්‍රියාකාරකම් අත් හරින්න නැත්නම් වෙනස් කරන්න.

2. එය කිරීමට නොහැකියයි සිතනවා වෙනුවට කළ හැකි වෙනත් ආකාරයක් සිතන්න.

3. තමාට බැරිවීම හා නොහැකිවීම සම්බන්ධව සමාව ගනිමින් කරැණු දක්වමින් සිටීමෙන් වලකින්න.

4. දැනට තමා යොමුවී ඇති දේවල් ගැන තමන්ගෙන්ම ප්‍රශ්න අසමින් ක්‍රියාකාරකම් අරඹන්න.

5. තමාට වැරදුනහොත් හෝ තමා තුළ අඩු පාඩුවක් දුටහොත් එම අවස්ථාවේදීම නිවැරදි කරගන්න.

6. අරමුණු වෙනස් කිරීමට හෝ කළමණාකරණය කිරීමට ඥාණය හා ක්‍රමශිල්ප භාවිතා කරන්න.

7. යමක් කිරීමට උත්සාහ ගැනීමට බිය නොවන්න. එසේ උත්සාහ කිරීමෙන් ඔබ අත් දකින දූෂ්කරතා නිසා ඔබගේ ප්‍රජානන හැකියාව දියුණු වෙයි. ඔබ නුවණැතියකු බවට පත්වෙයි.

8. ඇයි යන ප්‍රශ්නය පස් වරක් විමසන්න. එවිට ගැටළුවක මූලික හේතුව ඔබට හමුවේවි. එමෙන්ම ඔබ ගන්නා තීරණය නිවැරදි එකක් වීමේ සම්භාවිතාවය පහේ ගුණිතයකින් වැඩිවනු ඔබට දක්නට ලැබේවි.

9. එක් එක් පුද්ගලයකුගේ දැනුම වෙනුවට පුද්ගලයන් කිහිප දෙනෙකුගේ බුද්ධිය මත තීරණ ගැනීමට උත්සාහ කරන්න. වැඩි දැනුම් ඇති අත් දැකීම් වැඩි අයගේ අදහස් ගැනද සාවධාන වන්න.

10. සම්පූර්ණත්වය බලාපොරොත්තු නොවන්න 51% ඔබගේ ඉලක්කයට හසුවේ නම් වහාම ඒ සඳහා ක්‍රියාත්මක වන්න.

11. වැරදි වලට බිය නොවන්න. වැරදි සිදුවන විට එම වැරදි සම්බන්ධව නිර්මාණශීලී, වැරදි හරිගස්සන්නාවූ, තමාව ගොඩනඟන්නාවූ ප්‍රතිචාරයන් තමා තුළ නොතිබීම පිළිබඳ බියවන්න.

12. "ඔව්" "පුළුවන්" යන හැඟිම ඇති ධන ආකල්ප නිරන්තරව පවත්වාගෙන යන්න. (Yes I can)

13. නැවතී සිටින ගමන් ක්‍රියාත්මක වන්න. එනම් සෑම මොහොතකම යමක් කරන්න. නිහඬව සිටින අවස්ථාවලදීත් මනසින් හෝ යමක් සිදුකරන්න.

14. හෙට වැඩ අද සැලසුම් කරන්න (Plan Tomorrows' works today)

15. සෑම මසකම යම් නිපුණතාවක් සංවර්ධනය කරන්න. ශරිරය, මනස, ආර්ථිකය, අධ්‍යාපනය, සම්බන්ධව අළුත් දෙයක් ගැන සිතන්න.

16. තමාට දැනට ඉටුකිරීමට නියමිතව ඇති දේ සම්බන්ධව සියළු හැකියාවන් සහ උත්සාහයන් දරමින් උපරිමයෙන් කටයුතු කරන්න.

17. කරන සෑම දෙයක්ම පළමු අවස්ථාවේදීම නිවැරදිව ඉටු කිරීමට මහන්සිගන්න. (First time Right)

18. කෙලින්ම යමක් ප්‍රතික්‍ෂ්ප කිරීමට වඩා දිගින් දිගට සොයා බලා විසඳුමක් සොයාගන්න. (Be Proactive)

19. දක්‍ෂ‍යකු බවට පත්වීම විනෝදාංශයක් කරගන්න. එනම් ලැබෙන හැම අභියෝගයකින්ම ජය ගැනීමට අධිෂ්ඨාන කරගන්න.

20. තමාගේ වැඩ සම්බන්ධව ක්‍රමාණුකූල බවක් ඇතිකර ගන්න. කළ යුතු දේ කළ යුතු අකාරයට කරන්න. අඬුවෙන් කරන දෙය මිටියෙන් කිරීමට නොයන්න.

ඇඳක්ද? ‍සෝපාවක් ද?

නිර්මාණාත්මකව හිතුවොත් කරන්න බැරි දෙයක් නැ‍හැනෙ. මේක මගෙ මිතුරෙකු විසින් කරන ලද නිර්මාණයක් එයා මේක කෙරැවෙ අත්හදා බැලීමක් විදිහට ඒත් ඒක කොච්චර සාර්ථක උනාද කිව්වොත් මේ නිර්මාණයට ඉහල ප්‍රතිචාර ලැබිල තියනව, සෑහෙන ඉල්ලුමක් මේකට තියෙන්නෙ. එයා මෙක මහා පරිමාණයෙන් නිපදවන්න තමයි දැන් කල්පනා කරන්නෙ. ඇත්තටම ලංකාවෙ නිර්මාණාත්මක අදහස් තියන අය හරි අඩුයි. ඒත් එක් නිර්මාණයකින් මුළු ජීවිතය වුනත් ජයගන්න කෙනෙකුට පුළුවන් නේද කියල මට මේක දැක්කම හිතුන.






මේ නිර්මා‍ණ‍ය තියන ‍විශේෂත්වය තමයි මේක ඇඳක් විධිහටත් සෝපාවක් විධිහටත් පාවිච්චි කරන්න පුළුවන් වීම. මේකෙ සම්පුර්ණ තාක්‍ෂණය ශ්‍රී ලංකාවේ. මේක ක්‍රම කිහිපයකට සීරැමාරැ කර ගන්න පුළුවන් හාන්සිවෙලා පොතක් පතක් කියවනවනම් යන්තම් ඇලවෙන විදිහට සකස්කරගන්නත්, රෑපවාහිණිය නරඹනවනම් තව දුරට‍ත් සීරැමාරැ කරගෙන පහසුවෙන් නරඹන්නත්, මිතුරන් පිරිසක් ආපු වෙලා‍වට වාඩිවෙලා ඉන්න පහසුවන පරිදි සකස් කරගන්නත් පුළුවන්. ඇත්තටම මේක ආදර්ශකයක් (model) මේ‍ක තමන් කැමති පාටින් කැමති ආකාරයකට සකස් කරවගන්න පුළුවන්.

වැඩි විස්තර අවශ්‍ය මේ සම්බන්ධ උනන්දුවක් තියන මිලදී ගන්න අදහසක් තියන අය මට ඊ මේලයක් එවන්න.(ginimakara@gmail.com). මේක තව වැඩිදියුණු කරන්න පුළුවන් ක්‍රම තියනවනම් ඒවත් එවන්න අමතක කරන්න එපා. වැඩි දියුණු කරන ක්‍රම කිව්වම බරපතල වැඩි නම් "මට මේකෙ මේ විධිහට තියන්න පුළුවන් වෙනවනම් හොඳයි" "තව මේකට මේ විධිහෙ දෙයක් එකතු ‍කළොත් හොඳයි" වගේ හිතට එන අදහස් තියනවනෙ අමුතු අදහසක් උනත් කමක් නැහැ එවන්න

☼☼☼ : ඉලක්කයට විසිකරන්න පුහුණුවෙමු : ☼☼☼

අපිට නොයෙක් නොයෙක් ඉලක්ක තියනව. ජීවිතය ගැන, අධ්‍යාපනය ගැන,රෑකියාව ගැන ආදී එ‍කී මෙකී නොකී සෑම අංශයක් ගැනම ඉලක්කයක් තබා ගත්තෙ නැත්නම් දියුණුවක් ලබාගන්න අමාරැයි.

ඒවගෙම සමහර වෙලාවට ඉලක්කයට වෙඩි තියන්න,විදින්න, විසිකරන්න සිදුවන අවස්ථාත් උදාවෙනව. ඉතින් අද මට හිතුන ඉලක්කයට විසිකරන්න පුහුණුවෙන්න ක්‍රමයක් හඳුන්වල දෙන්න.මේක ‍විනෝදෙට කරන්න පුළුවන් වැඩක්.ඒත් ඒකට යම් යම් දේවල් ටිකක් හදාගන්න වෙනව. මුලින්ම බලමු කොහොමද ඒව හදාගන්නෙ කියල. මේකට පහත දේවල් අවශ්‍යයි.

1.ඝනකම් ඉටි කොළයක් ( ඝනකම් කඩදාසියක් වුනත් ගන්න පුළුවන් ඒත් කල්පැවැත්ම අඩුයි)
2.සෙ.මී 5 විතර දිගට කපාගත් උණ පතුරැ 4 ( මම නම් මේක හදන ද‍වස්වල ගත්තෙ අලිය ගිණි පෙට්ටියෙ ලී කූරැ දැන් එ‍්ව නැහැ)
3.අල්පෙනිත්තක්
4. නූල් පන්දුවක්
5.වයරින් ටේප්
6.ඝනකම් කාඩ්බොඩ් එකක් (සෙ.මී 30 x සෙ.මී 30) විතර
7.ප්ලැටිග්නම් හෝ පර්මනන්ට් මාකර් (Permanent Marker)එකක්

විශාල කර බලන්න Middle mouse button හෝ Ctrl+Click

මුලින්ම ඉටිකොළේ දෙකට නවල රෑප සටහනේ ආකාරයට කපා ගන්න. ඒව තමා ඊතලේ පෙති විධිහට ගන්නෙ. මේ වගේ කපාගත් ‍ඒව 2 තිබුනම ඇති එකකට.ඊටපස්සෙ අල්පෙනිත්ත අරගෙන අර උණ පතුරැ 4 අතරට තියල නූලෙන් හොඳට එහාමෙහා යන‍්නෙ නැති වෙන්න තදින් ගැට ගහන්න.කපාගත් පෙති දෙක රෑප සටහනේ තියන විදිහට උණ පතුරැ අස්සෙන් ඇතුල් ‍කරල ඒවත් එහා මෙහා යන්නෙ නැති වෙන්න තදින් ගැටගහන්න.දැන් උණ පතුරැ 4 නූලෙන් හොඳට වෙළල ‍ගැටගහන්න. වයරින් ටේප් වලින් නූල සහ උණ පතුරැ නොපෙනෙන්න වෙළල කටයුත්ත නිමා කරන්න.

මේවගේ 6 විතර හදා ගත්තම හරි . වයරින් ටේප් එකේ පාටයි ගන්න ඉටි කොළේ පාටයි වෙනස් කරමින් පාටවල් කිහිපයක කුඩා ඊතල කිහිපයක් සාදාගත හැකියි.

දැන් ප්ලැටිග්නම් හෝ පර්මනන්ට් මාකර් එකෙන් අර ඝනකම් කාඩ් බොඩ් එකේ රෑප සට‍හනේ ආකාරයට රවුම් කිහිපයක් ඇඳගනිමින් ඉලක්ක පුවරැව සකසාගන්න.(ඒක අඳින්න කවකටුවක් ඕනෙ නැහැ ‍ඩ්‍රෝවින්ග් පින් එකක් මැද්දට ගහල නූලක් ඒකෙ ගැටගහල ගත්තම වැඩේ ලේසියි. අවශ්‍ය දුර ප්‍රමාණයට නූල අරගෙන ප්ලැට්ග්නම් එකේ ගැටගහල කරකවන්න.)

මේ කාඩ්බොඩ් එක කාමරේ බිත්තියෙ හරි දොරේ හරි සවිකර ගත්තම. ඉලක්කයට ඊතල ටික විසිකරන්න තමයි තියෙන්නෙ.

විශේෂයෙන් සඳහන් කරන්න දෙයක් තියනව මේවයින් අහිංසක සත්තුන්ට හරි මිනිස්සුන්ට හරි හිරිහැර කරන්න යන්න එපා. බොහොම ආරක්ෂාකරීව පරිහරණය කරන්න ඕනෙ.

මේ විදිහට කරන ක්‍රීඩාවක් තියනව එකට කියන්නෙ Darts කියල. මම මේ කලේ Darts board එකක් හදන හැටි පැහැදිලි කිරීමක් නෙමෙයි. මේක මම විනෝදෙට ඉලක්කයට විසි කරන්න හදාගත්ත එකක්. Darts Game එකේ ඒව හදන සම්මත ක්‍රම තියනව. වෙනමම ඒවට ක්‍රීඩා නීති රීති තියනව. මගෙ ල‍ඟත් දැන් ඒ බොඩ් එකක් තියනව ඒක ගත්තෙ රැකියාවක් කරන්න පටන්ගත්තටත් පස්සෙ. කලින් මම පුරැදු වුනේ දුප්පත් කාඩ්බෝඩ් එකට මමම හදාගත්‍ත ඊතල විසි කරල තමයි :).

:::::: ඉබේ වැසෙන දොර >>>>>>>>

පැහැදිලිව දැක බලා ගැනීමට රෑපය මත Middle mouse button හෝ Ctrl+Click භාවිත කරන්න.

‍ගොඩක් අයට දොරක් විවෘත කලහම ඒක නැවත වහන්න අමතක වෙනවනෙ. මෙන්න ඒකට සරල පිළිමයක් නෙමෙයි පිළියමක්. වැඩිය ලොකු ලොකු දේවල් අවශ්‍ය නැහැ.

1. ඉස්කුරැප්පු ඇණ 2 කුයි ( සාමාන්‍ය ඇණ වුනත් කමක් නැහැ)
2. රෙදි වලින් සාදාගත් වැලි පිරවූ කුඩාකොට්ටයකුයි
3.දොරේ ප්‍රමාණය අනුව සැලකිය යුතු දිගකින් යුත් තංගුස් ලණුවකුයි
4.ඇණ සවි කිරීමට ඉස්කුරැප්පු නියනක් හරි මිටියක් හරි

රෑප සටහනකුත් දාල තියනවනෙ ඉතින් කරන්න යන‍ දේ දැනටමත් පැහැදිලි ඇති.මුලින්ම දොර විවෘත වන පැත්තෙ උලු අස්සෙ උඩින් කෙලවරට වෙන්න පළමු ඇණය සවි කරගන්න. එයට තංගුස් ලණුව ගැට ගසන්න. අවශ්‍ය දිග ප්‍රමාණය සකසා ගනිමින් වැලි පිරවූ කොට්ටයද ගැට ගසන්න. දෙවන ඇණය දොර පියනේ උඩ කෙලවරට වන ආකාරයට රෑප සටහනේ පරිදි සවි කරන්න. එම ඇණය මගින් දොර විවෘත කලවිට වැලි කොට්ටය කෙලවරට ‍ගොස් සිරවීම වලකයි. කොට්ටයේ ඇති වැලි අඩු වැඩි කරමින් දොර වැසිය යුතු වේගය සකසා ගන්න.

මම මේක මුලින්ම අත්හ‍දා බැලුවෙ Bath Room එකේ දොරට. වැලි කොට්ටයක් වෙනුවට පාවිච්චි කලේ පොඩි ප්ලාස්ටික් වතුර බෝතලයක්. වැ‍‍ඩේ ටික කාලයක් හොඳට ගියා ඒත් එක දවසක් හදිස්සියට දොර හයියෙන් විවෘත කරන්න ගිහින් නාගන්න වුනා සබනුත් තිබ්බ හින්ද අවුලක් වුනේ නැහැ :). ගබඩා කාමරේ දොරටත් එකක් හයි කරන්න ‍ඕනෙ.

ඕනෙම කෙනෙකුට මේව අත්හදා බලන්න පුළුවන්. අත් දුටුවයි ප්‍රත්‍යක්‍ෂයි පිටට දෙනු. මම මේ ඉදිරිපත් කරන ක්‍රම මීට වඩා හොඳ ක්‍රමයකට කරන්න පුළුවන් විධි ගැන අදහස් පහල වන අය විස්තර දාන්න හො‍‍ඳේ..

■◘■◘■◘■◘ කාඩ් බෝඩ් අදහස් ■◘■◘■◘■◘

කාඩ් බොඩ් ඕන තරම් අපි දැකල තියනව, ඒ වගෙම අපි ඒව කොච්චර අපතේ දානවද?.ඒත් ඒවයින් අළුත් නිර්මාණයක් කරන්න අදහසක් පහල වෙන්නෙ කීයෙන් කීදෙනාටද? මේ කාඩ්බෝඩ් ගැන අදහසක් පහල වුන කෙනෙක්ගෙ අපූරැ නිර්මාණ ඒකතුවක්, බලන්න හොඳද කියල.

විශාල කර බලන්න ඕනෙ නම් පින්තූර උඩ Ctrl+Click කරන්න.

■ මේක කාඩ්බොඩ් වලින් හදපු පුටුවක්.කුඩා දරැ‍වෙකුට වුනත් සවිකර ගන්න පුළුවන්. තමන්ම සවිකරගත් පුටුවෙ මෙයා වාඩිවෙලා ඉන්න අපූරැව බලන්නකො.


■ මේ තියන්නෙ කුඩා ස්ටූලයක් සහ ටීපෝ එකක්. බය නැතුව තේ එකක් වුනත් තියන්න පුළුවන්. එච්‍චරට මේ කාඩ්බොඩ් ගෘහ භාණ්ඩ ශක්තිමත්.



■ මේක විදුලි ලාම්පුවක්. හයිකරන්න ඕනෙ කරන ‍වයරැයි ,උපදෙස් පත්‍රිකාවයි, බල්බ් එකයි ඔක්කොම ති‍යෙන්නෙ එකට. ඒකියන්නෙ මේ නිර්මා‍‍ණ අහුරන්න වෙනම කාඩ්බොඩ් ඇසුරැම් නැහැ. හොඳට බලන්න හැම නිර්මාණකටම ඒක පොදුයි.

෴ 20-20-20 නීතිය ෴

‍අපි ගොඩක් වෙලාවට එක දිගට පැය ගනන් පරිගණක තිරය දිහා බලාගෙන ඉන්නවනෙ.ඉතින් අපේ ඇස් අපිට නොදැනීම විඩාවට පත් වෙනව මොකද අපි ඇස් වෙහෙසනව ‍වැඩියි. ඒවගේම ඇස් වල තෙතමනය නැතිවෙලා වියලි බවට පත් වෙනව. ඒවගෙම අපි වැඩි වෙලාවක් ඇස් නාභිගත කරගෙන ඉන්නෙ ළඟ තියන වස්තුවලට (බොහෝ වෙලාවට මොනිටර් එකෙන් එහාට ඇහැ යවන්නෙම නැහැ කවුරැ හරි කතා කලහම උත්තර දෙන්නෙත් මොනිටරය දිහා බලාගෙන) මේ සියළු කරැණු කාර‍ණා අනුව අපි දවස අවසානයේ ඉන්නෙ ආතතියට පත් වෙලා කිව්වොත් නිවැරදියි. මෙන්න මේ තත්වෙන් ගැලවෙන්න තමයි 20-20-20 නීතිය අවශ්‍ය වෙන්නෙ. මොකක්ද මේ 20-20-20 නීතිය?

1 වන නීතිය෴
සෑම විනාඩි 20 වරක් පරිගණක තිරයෙන් ඉවතට හැරී අඩි 20 ඈතින් ඇති වස්තුවක් දිහා මිනිත්තු කිහිපයක් බලාගෙන ඉන්න.මේ ක්‍රියාවෙන් ඇහැ දුර වස්තුවකට නාහිගත වෙනව ඒකෙන් ඇහේ මාංශපේශි ඉහිල් වෙනව.

2 වන නීතිය෴
පිළිවෙලින් 20 වතාවක් ඇසි පිය හෙලන්න. මෙයින් ඇසේ වියලි බව නැතිකර සජීවි බවක් ලබාදෙනව, ඇසේ තෙතමනය රඳවාතබනව. (හැකි කමක් ඇත්නම් වතුරින් ඇස් තෙමන්න.)

3 වන නීතිය෴
විනාඩි 20 වරක් පියවර 20 සක්මන් කරන්න. එකම ඉරියව්වක රැඳී සිටින ඔබගේ ශරීරය පුරා රැධිර සංසරණය ක්‍රමාණුකූලව සිදුවීමට එම ක්‍රියාව උපකාරී වේවි.

:: නූල් රෝදයට බලය කවමු ►►►►

විශාල කර බැලීමට රෑප සටහන මත Ctrl+Click කරන්න

අවශ්‍ය දේවල්
1.කුඩා ඇනයක් (ටින්ටස් ඇනයක් තමයි මම ගත්තෙ)
2.ඉරටු කැබලි 2 ක් (එකක් කෙටියට සහ අනික දිගට )
3.රබර් පටියක් ( ලී රෝදෙ දිග + ඉටිපනදම් කැබැල්ලෙ දිගට පොඩ්ඩක් අඩු දිගකින් යුතු)
4.ලී නූල් රෝදයක් ( මේක හොයාගන්න ටිකක් අමාරැයි. දැන් මේව අඩුයි)
5.ඉ‍ටිපන්දමකින් කපාගත් කුඩා කොටසක්

මුලින්ම කුඩා ඇණය සවි කරන්න.කුඩා ඉරටු කැබැල්ල රබර් පටිය තුලින් දමා ලී රෝදයේ සිදුරෙන් ඇතුල් කරන්න. ඉටිපන්දමකින් රෑප සටහනේ ආකාරයේ කුඩා කොටසක් කපා ගන්න. මැද ඇති නූල අයින් කර සිදුරක් විදගන්න. (රත්කරපු ඇණයක් මගින් පහසුවෙන් විදින්න පුළුවන්) රබර් පටිය එම සිදුර තුලින්ද දමන්න. දිග ඉරටු කැබැල්ල රබර් පටියේ එම කෙලවර තුලින් ඇතුල් කරන්න.

දැන් රබර් පටිය ආතතියටත් ඇඹරීමටත් ලක්වන පරිදි රෑප සටහනේ පරිදි නූල් රෝදය එක අතකින් අල්ලා අනෙත් අතින් දිග ඉරටුව කරකවා බිමින් තබන්න. නූල‍් රෝදය සෙමෙන් ඉදිරියට ඇදෙනු ඔබට දැක ගත හැකි වේවි.


මේක ඇත්තටම මම 1 ව‍සරෙ විතර ඉන්න කොට හදපු එකක් මට මේක කියල දුන්නෙ කවුද කියල මතක නැහැ. මට සෙල්ලම් වාහන ගොඩක් තිබ්බ ඒත් මමම හදාගත්තු මේ සෙල්ලම් බඩුවට තරම් ඇල්මක් ඒවට තිබ්බෙ නෑ.

මට කියන්න ඕනෙ උනේ මේකයි. අද ලංකාවෙ ඉන්න පොඩි අයට මේවගේ දෙයක් තමන්ම හදාගෙන විනෝද වෙන්න තරම් වෙලාවක් නෑ එවගේම උවමනාවකුත් නැහැ. ඉතින් නිර්මාණශීලීත්වයක් දියුණුවෙන්නෙ කොහොමද? මම අහල දැකල තියනව ජපානෙ ඉන්න පොඩි අය ඉලෙක්ට්‍රොනික් පරිපථ වලින් පොඩි කාලෙදිම, එක එක වාහන, රොබෝල, වගේ දේවල් හදල තරඟ පවා තියනව. පාසල් වලින්ම ඒවට ඒගොල්ලන්ට අනුබල දෙනව. ඉතින් ඒ අය ලොකු වෙලා අළුත් නිර්මාණ ලෝකෙට බිහි කරනව. අපේ දරැවන්ට ශිෂ්‍යත්ව පන්තියි, OL ,AL පන්තියි මිසක් ඉන් බාහිර දේවල් හිතන්න කරන්න කියන්න අවස්ථා නැති වෙලා තියනව.

ලොකෙට අළුත් නිර්මාණයක් දායාද කරන්න PhD ඕනෙ නෑ. අළුත්,වෙනස් විදිහකට හිතල ඒක ක්‍රියාත්මක කරන්නයි අවශ්‍ය. අනික අළුත් නිර්මාණයක් ගැන හිතන්න කිව්වම අභ්‍යාවකාශ තාක්‍ෂණය වගේ ලොකු ලොකු දේවල් ගැන හිතල, නිර්මාණ බිහි කරන්න බය වෙන්න එපා. එදිනෙදා තමන් මුහුණ දෙන ප්‍රශ්නයකට විසඳුමක් ගැන කල්පනා කරන්න. උදාහරණයකට Paper Clip එක අරන් බලන්න ඒක මොනතරම් සරල ඒත් මොනතරම් ප්‍රයොජනවත් නිර්මාණයක්ද?

ඉඳිකටුවට නූල ඇමිනීම පහසු කරමු

විශාල කර බැලීමට රෑප සටහන මත Ctrl+Click කරන්න

ඉඳිකටුවකට නූලක් අමුනන එක ටිකක් සැලකිල්ලෙන් කරන්න ඕනෙ ඒකක්.අවධානය හොඳට තියෙන්න ඕනෙ ඒත් කොච්චර කලත් එහෙම කරගන්න බැරි අයත් ඉන්න පුළුවන්. එහෙම අයට හාවිත කරන්න පුළුවන් උපකරනයක් හදන හැටි තමා ‍මම මේ පෙන්නල දීල තියෙන්නෙ.

බැලූ බැල්මට නම් සරලයි ඒත් මේකෙ ප්‍රයෝජනවත් බව නම් ඉතා ඉහලයි.

අවශ්‍ය ‍ දේවල්,

1. Flexible Wire එකකින් වෙන් කරගත් 6 cm විතර දිග තඹ කම්බියක්( එක පොටක් සෑහෙයි)

2. ගම් ස්වල්පයක්
3. ඝනකම අඩු කාඩ්බොඩ් කැබැල්ලක් (මම නම් ගත්තෙ phone recharging Card එකක්)

රෑප සටහනේ 1 රෑපය ආකාරයට තඹ කම්බිය න‍වා සකස් කර ගන්න. ඉන්පසුව කාඩ් බොඩ් එක මත 2 රෑපයේ පරිදි එය තබා, මැදට ගම් දමා එම ආකාරයටම කපාගත් තවත් කාඩ් බොඩ් කැබල්ලක් මගින් කම්බිය මැදි කර අලවා ගන්න. කම්බිය ඉතා සියුම් බැ‍වින් එය ආරක්‍ෂිතව නොතැබුවහොත් එයට හාණි විය හැකියි. එබැවින් එයට 4 රෑප සටහනේ ආකාරයට වටේ පමණක් ගම්‍ යොදා එක සමාන කාඩ්බොඩ් කැබලි 2 මඟින් ආරක්‍ෂිත කවරයක් සාදා ගන්න. ඉන්පසු 6 රෑප සටහනේ ආකාරයට ඉඳිකටු සිදුර තුලින් කම්බිය ඇතුල් කර නූල දැමිය හැකි වෙයි.

~□~□~□ : දිවිය පහසු කරන නව අදහස් : □~□~□~

ලෝකයේ අළුත් විදිහකට හිතන අයට එදිනෙදා ජීවිතය පහසු කරවන අළුත් අදහස් පහල වෙනවා. මම ආසයි ඒවගේ අළුත් අදහස් වලට ඉතින් මගේ සිත් ගත් අළුත් නිර්මාණ බ්ලොග් එකට ඇතුලත් කරන්න හිතුව. ඒව දියුණු කරන්න පුළුවන් තවත් අළුත් අදහස් තියනවනම් ඒව එකතුකරන්න මේක බලන අයට පුළුවන්.


1. නව ආකාරයක ස්විචයක්


මේ අදහස ගොඩක් ලංකාවට වඩා යුරෝපීය රටවල ඉන්න අයට තමා සුදුසු. ඒ ගොල්ලො ගෙදරට ආපු ගමන් මුලින්ම කරන්නෙ කෝට් එක ගලවල එල්ලන එකනෙ. කෝට් එක එල්ලපු ගමන් කාමරේ ලයිට් එක පත්තු වෙන්න තමා මේ නිර්මාණය කරල තියෙන්නෙ.

2. දැල්වෙන දොර අගුල



මේ නිර්මාණය නව ආකාරයේ Door Handle එකක්. මේකෙ විශේෂත්වය තමා කරැවලේ වුනත් ගිහින් දොරක් ඇර ගන්න පහසු කිරීම. තවත් මේකෙ විශේෂත්වයක් තියනව විශේෂ වැඩසටහනක් මගින් මේවයෙ දැල්වෙන පාට වෙනස් කරන්න හැකි වීම. දොර ලොක් කරල නම් රතු පාටට දැල්වෙනව, ලොක් කරල නැත්නම් කොළ පාට

3.රැගෙන යා හැකි ශීත කරනය Portable Refrigerator



මේ අදහස විශාල ශීත කරන සඳහා ‍වියදම් කිරීමට අපහසු, එසේම තබා ගැනීමට ඉඩකඩ අඩු තැනින් තැනට නිතර යාමට සිදුවන අයටයි. බෝඩින් කාමර වල ඉන්න අයට මේක හොඳ නිර්මානයක්. මේකෙ තියන ‍වි‍ශේෂත්වය තමයි අවශ්‍ය ප්‍රමානයට අකුල ගන්න දිග හැරගන්න පුළුවන් වීම. ඒකෙන් අනවශ්‍ය ඉඩක් සිසිල් වීමෙන් වලක්වා ගන්න පුළුවන් ඒවගේම බලශක්තිය අඩුවෙන් වැය වෙන්නෙ. මේක සිසිල් වෙන්නෙ පහල සිට ඉහලට.

ඇදහිල්ල

හැම ඇදහිල්ලක්ම හානිකරය. ඇදහිල්ල නිර්වචනය කරන්න පුළූවන් "සාධක නොමැතිව යමක් දැඩිව විශ්වාස කිරීම" වශයෙන්. සාධක පවතින විට කිසිවකු ඇදහිල්ල ගැන කතා නොකරයි. 2 සහ 2 එකතුව 4, ලෝකය ගෝලාකාරයි යන මේකාරණා කිසිවකු අදහන්නේ නැහැ. සාධක තිබිය යුතූ තැනට චිත්තවේග ආදේශ කළහම තම‍ා අපි ඇදහිල්ල ගැන කතා කරන්නෙ.